काठमाडौँ, २८ साउन । पत्रकार किशोरी श्रेष्ठ पक्राउ परेपछि प्रहरीले ललितपुरको सानेपास्थित जनआस्था साप्ताहिकको कार्यालयमा खानतलासी गरेको छ ।
बिहीबार जिल्ला प्रहरी परिसर काठमाडौँले ललितपुर प्रहरीसँगको सहकार्यमा कार्यालयमा छापा मारेको हो । जिल्ला प्रहरी परिसर काठमाडौँका एसपी दानबहादुर थापाका अनुसार अनुसन्धानका क्रममा रीतपूर्वक खानतलासी गरी वैयक्तिक गोपनीयता सम्बन्धी कसुरमा प्रयोग भएका कम्प्युटरलगायत सामग्री नियन्त्रणमा लिइएको छ ।
श्रेष्ठविरुद्ध दीपिका सिंहले जाहेरी दिएकी थिइन् । साउन २५ गते जनआस्था डटकममा सप्तरी–३ का सांसद अमरकान्त चौधरीसँग सम्बन्धित सामग्री प्रकाशित भएको थियो, जसमा श्रेष्ठले सांसद चौधरीसँग एक युवतीको तस्बिर सार्वजनिक गरेका थिए ।
