एजेन्सी । जोर्डनस्थित अमेरिकी सैन्य आधारमा इरानले ब्यालेस्टिक मिसाइल प्रहार गरेपछि अमेरिकाले इरानका विभिन्न स्थानमा शक्तिशाली हवाई आक्रमण गरेको छ ।
अमेरिकी राष्ट्रपति डोनाल्ड ट्रम्पको कडा चेतावनीपछि सेन्ट्रल कमाण्डले इरानभित्रका रणनीतिक लक्ष्यमा बमबारी सुरु गरेको हो । इरानी सञ्चारमाध्यमका अनुसार आबादान, बन्दर अब्बास र बुसेहरलगायत क्षेत्रमा ठूला विस्फोट भएका छन्।
बुसेहरमा रहेको इरानको एकमात्र आणविक ऊर्जा केन्द्र नजिक पनि विस्फोट भएको जनाइएको छ । यसैबीच अमेरिका र साउदी अरबले इराकस्थित इरान समर्थित पपुलर मोबिलाइजेसन फोर्सेसमाथि संयुक्त हवाई आक्रमण गर्दा २० लडाकु मारिएका र ३२ जना घाइते भएका छन् ।
इराकले उक्त आक्रमणलाई आफ्नो सार्वभौमसत्तामाथिको उल्लंघन भन्दै विरोध जनाएको छ । उता, स्ट्रेट अफ हर्मुज क्षेत्रमा पनि तनाव बढेको छ ।
इरानी रिभोलुसनरी गार्डले तीन तेल ट्याङ्करलाई निशाना बनाएको दाबी गरेको छ । राष्ट्रपति ट्रम्पले भने इरानको आक्रमणको जवाफस्वरूप सैन्य कारबाही गरिएको बताएका छन् ।
