काठमाडौं, २८ असार । जनकपुरबाट असार २५ गते सुरु भएको मिटरब्याज पीडितहरूको पैदल न्याय मार्च चौथो दिन लालबन्दीबाट काठमाडौंतर्फ अघि बढेको छ ।
सरकारले पटक–पटक सहमति गरे पनि कार्यान्वयन नगरेकाले दबाब दिन फेरि राजधानीसम्म पदयात्रा गर्नुपरेको आयोजकहरूको भनाइ छ ।
सयौँ सहभागीले चुपचाप तमसूक फाड र अधिकार माग्न काठमाडौं जान पर्दैन लगायतका नारा लेखिएका प्लेकार्ड बोकेर दैनिक २०–२६ किलोमिटर पैदल यात्रा गरिरहेका छन् ।
उनीहरू करिब एक साताभित्र काठमाडौं पुग्ने लक्ष्यसहित न्याय र अधिकारको माग गर्दै अघि बढिरहेका छन् ।
