काठमाडौं, १६ असार । भारतीय सीमावर्ती क्षेत्र सुस्ताका बासिन्दाले नागरिकता, भूमि अधिकार र सीमा सुरक्षाको माग गर्दै माइतीघर मण्डलामा धर्ना दिएका छन्।
सुस्ता बचाउ अभियान अन्तर्गत आयोजित प्रदर्शनमा उनीहरूले भारतीय अतिक्रमण रोक्न कूटनीतिक पहल, सुस्ताबासीलाई तत्काल नेपाली नागरिकता र भोगचलन गरिरहेको जग्गाको लालपुर्जा उपलब्ध गराउन माग गरेका छन् ।
प्रदर्शनकारीले भारतीय सुरक्षाकर्मीबाट थप प्रताडना भोग्नुपरेको दाबी गर्दै आफ्ना समस्या सुनाउन पटक–पटक प्रधानमन्त्रीको सचिवालयमा समय माग्दा पनि सुनुवाइ नभएको गुनासो गरेका छन् ।
