काठमाडौं, १४ असार । पूर्वराष्ट्रपति विद्यादेवी भण्डारीले एउटा निर्वाचनको परिणामका आधारमा कम्युनिस्ट आन्दोलनको भविष्यबारे हतारमा निष्कर्ष निकाल्न नहुने बताएकी छन् ।
मदन भण्डारीको ७५औँ जन्मजयन्तीका अवसरमा आयोजित कार्यक्रममा उनले हालैको प्रतिनिधिसभा निर्वाचनले कम्युनिस्ट शक्तिलाई कार्यशैली, प्राथमिकता र जनसम्बन्ध सुधार गर्ने अवसर दिएको बताइन् ।
भण्डारीले जनताको बहुदलीय जनवादको सान्दर्भिकता कायम रहेको उल्लेख गर्दै कम्युनिस्ट आन्दोलनलाई अझ प्रभावकारी, जनमुखी र समयसापेक्ष बनाउन गम्भीर आत्मसमीक्षा आवश्यक रहेको धारणा व्यक्त गरिन् ।
