काठमाडौं, १४ असार । स्ट्रेट अफ हर्मुजमा पानामाको झन्डा बोकेको तेल ट्यांकरमाथि ड्रोन आक्रमण भएपछि अमेरिकाले इरानका विभिन्न सैन्य संरचनामाथि नयाँ हवाई कारबाही गरेको जनाएको छ ।
अमेरिकी केन्द्रीय कमान्ड -सेन्टकम) का अनुसार आक्रमणमा ड्रोन भण्डारण केन्द्र, सञ्चार प्रणाली, वायु रक्षा तथा अन्य सैन्य पूर्वाधारलाई निसाना बनाइएको हो ।
घटनापछि अमेरिकी राष्ट्रपति डोनाल्ड ट्रम्पले युद्धविराम उल्लंघन दोहोरिए इरानको अस्तित्व नै समाप्त हुन सक्ने चेतावनी दिएका छन् । उनले आवश्यक परे सैन्य अभियानलाई अझै अघि बढाइने बताएका छन् ।
इरानले अमेरिकी आक्रमणबारे तत्काल कुनै प्रतिक्रिया दिएको छैन । केही समयअघि मात्रै दुवै देशबीच युद्ध अन्त्यका लागि शान्ति सम्झौता र त्यसको कार्यान्वयनबारे वार्ता भएको भए पनि पछिल्लो घटनाले फेरि तनाव चर्किएको छ ।
