प्यूठान, १३ असार । प्यूठानको स्वर्गद्वारी नगरपालिकाका उपप्रमुख मीनराज राना मगर को सवारी दुर्घटनामा मृत्यु भएको छ ।
स्वर्गद्वारी–२ बाङ्गेसल्लास्थित सडकमा स्वर्गद्वारीबाट धनवाङतर्फ जाँदै गरेको नगरपालिकाको लु.प्र.०१–००१ झ ०००८ नम्बरको बोलेरो पिकअप जिप दुर्घटनामा परेको हो ।
प्रहरीका अनुसार उपप्रमुख राना आफैंले जिप चलाइरहेका बेला सवारी सडकबाट तल खसेको थियो । जिल्ला प्रहरी कार्यालय प्यूठानका डीएसपी नरहरि अधिकारीका अनुसार उपप्रमुख राना नगरपालिकाको सवारी लिएर अनुगमनमा निस्किएका बेला दुर्घटना भएको प्रारम्भिक जानकारी प्राप्त भएको छ ।
घटनास्थलमा प्रमुख जिल्ला अधिकारीसहितको सुरक्षा टोली पुगेको प्रहरीले जनाएको छ ।
