महोत्तरी, १३ असार । महोत्तरीको पिपरा गाउँपालिकाको नवनिर्मित प्रशासकीय भवन ‘जनता दरबार’ मा शनिबार विधिवत पूजन गरी गृहप्रवेश गरिएको छ।
गाउँपालिकाको नयाँ प्रशासनिक भवनमा आयोजित धार्मिक विधिअनुसारको पूजन कार्यक्रमपछि औपचारिक रूपमा गृहप्रवेश गरिएको हो।
कार्यक्रममा गाउँपालिका अध्यक्ष रामजानकी यादव, प्रमुख प्रशासकीय अधिकृत सन्तोष मिश्रा लगायत गाउँपालिकाका सम्पूर्ण कर्मचारीहरूको उपस्थिति रहेको थियो।
नवनिर्मित भवन सञ्चालनमा आएपछि गाउँपालिकाबाट प्रदान गरिने प्रशासनिक तथा सार्वजनिक सेवाहरू थप व्यवस्थित, सहज र प्रभावकारी हुने विश्वास गरिएको छ।
गाउँपालिकाले आधुनिक तथा सुविधासम्पन्न भवनबाट सेवाग्राहीलाई गुणस्तरीय सेवा प्रदान गर्ने लक्ष्य राखेको जनाएको छ।
