काठमाडौं, १२ असार । राष्ट्रिय स्वतन्त्र पार्टी -रास्वपा)को पहिलो महाधिवेशनअन्तर्गत दोस्रो चरणको निर्वाचनबाट सोविता गौतम महिला उपसभापतिमा निर्वाचित भएकी छन् ।
उनले डा. तोसिमा कार्कीलाई पराजित गर्दै जित हासिल गरेकी हुन् । यस्तै विपिन आचार्य महामन्त्रीमा निर्वाचित भएका छन् ।
सहमहामन्त्री -खुला) मा हरि ढकाल र असिम शाह तथा सहमहामन्त्री -महिला- मा निशा डाँगी निर्वाचित भएका छन् ।
यसअघि रवि लामिछाने सभापति र स्वर्णिम वाग्ले खुला उपसभापतिमा निर्विरोध निर्वाचित भइसकेका थिए भने पहिलो चरणमा ९९ जना केन्द्रीय सदस्य चयन भएका थिए । 
