जनकपुर, ७ असार । जनकपुरमा दिनदहाडै एक युवकमाथि बियरको बोतल प्रहार हुँदा उनी गम्भीर घाइते भएका छन् ।
प्रहरीका अनुसार जनकपुर उपमहानगरपालिका–३ निवासी रोहित दासमाथि सोही जनकपुरकै रोहन साह -हलुवाई) ले बियरको बोतल प्रहार गरेका हुन् ।
घटना आईतवार बिहान करिब ७ बजे गंगासागरको पूर्वी घाट क्षेत्रमा भएको बताइएको छ । बोतल प्रहारबाट दासको बायाँ कान, हात तथा छातीमा चोट लागेको छ ।
घाइते दासको प्रादेशिक अस्पताल जनकपुरमा उपचार भइरहेको छ । चिकित्सकको निगरानीमा उनको उपचार जारी रहेको जनाइएको छ ।
घटनाको कारण खुल्न बाँकी रहेको र घटनामा संलग्न व्यक्तिबारे आवश्यक अनुसन्धान भइरहेको जिल्ला प्रहरी कार्यालय धनुषाले जनाएको छ । प्रहरीले घटनासम्बन्धी थप विवरण संकलन गर्ने काम जारी राखेको छ ।
