रौतहट, १ असार । रौतहट प्रहरीले करिब ५ किलो ५५ ग्राम गाँजासहित दुई जनालाई पक्राउ गरेको छ ।
गौर नगरपालिका ४ गढवा क्षेत्रबाट २६ वर्षीय राकेश कुमार कुशवाहा र २४ वर्षीय सुनिल कुमार बैठा लाई विशेष प्रहरी टोलीले नियन्त्रणमा लिएको हो ।
प्रहरीले उनीहरू सवार भारतीय नम्बरको मोटरसाइकल जाँच गर्दा गाँजा, एक थान मोबाइल र मोटरसाइकल बरामद गरेको जनाएको छ । पक्राउ परेका दुवै जनाविरुद्ध लागुऔषध सम्बन्धी कसुरमा अनुसन्धान अगाडि बढाइएको छ ।
