काठमाडौं, ९ जेष्ठ । जनता समाजवादी पार्टी नेपालको केन्द्रीय समिति बैठक आजदेखि सुरु हुँदैछ ।
जेठ ११ गतेसम्म चल्ने बैठकमा पार्टी संगठन, व्यवस्थापन, समायोजन तथा आगामी राजनीतिक कार्यक्रमबारे विस्तृत छलफल हुने जनाइएको छ ।
लोकतान्त्रिक समाजवादी पार्टी सँग एकतापछि बस्न लागेको यो पहिलो बैठकमा २०७९ सालको प्रतिनिधिसभा निर्वाचनको समीक्षा, पार्टी कार्यालय व्यवस्थापन तथा संगठन समायोजनलाई मुख्य प्राथमिकता दिइएको छ ।
बैठकमा केन्द्रीयदेखि वडा र टोल समितिसम्मको समायोजन कार्यविधि, सदस्यता नवीकरण, प्रदेश सरकार र संघीय दलबीच समन्वय समिति गठन लगायत विषयमा निर्णय हुने बताइएको छ ।
साथै पार्टी अभिमुखीकरण, अन्तरक्रिया कार्यक्रम तथा निर्वाचन उम्मेदवारहरूको प्रदेशस्तरीय भेलाबारे पनि छलफल हुनेछ ।
