काठमाडौँ, ५ जेष्ठ । नेपालमा हाल पश्चिमी तथा स्थानीय वायुको प्रभाव रहेको मौसम पूर्वानुमान महाशाखाले जनाएको छ ।
यसको प्रभावले पहाडी र हिमाली भूभागमा सामान्य बदली तथा तराई क्षेत्रमा मुख्यतया सफा मौसम रहेको छ । आज दिउँसो कोशी, मधेस, बागमती, गण्डकी, लुम्बिनी र कर्णाली प्रदेशका पहाडी तथा हिमाली क्षेत्रमा बदली रहने र केही स्थानमा मध्यम वर्षा तथा हिमपातको सम्भावना रहेको छ ।
सुदूरपश्चिम र लुम्बिनीका तराई क्षेत्रमा तातो दिन हुने सम्भावना पनि छ । आज राति कोशी, मधेस, बागमती र गण्डकी प्रदेशमा सामान्य बदली रहने तथा केही स्थानमा चट्याङ्गसहित हल्का वर्षाको सम्भावना रहेको महाशाखाले जनाएको छ ।
