काठमाडौं, ५ जेष्ठ । काठमाडौंस्थित त्रिभुवन अन्तर्राष्ट्रिय विमानस्थलबाट ३७ वटा राहदानीसहित एक व्यक्ति पक्राउ परेका छन् ।
पक्राउ पर्नेमा सिरहाको धनगढीमाई नगरपालिका–१३ निवासी अजित श्रेष्ठ रहेका छन् । उनी नेपाल एयरलाइन्सको उडानमार्फत दिल्ली जान लागेका बेला विमानस्थल सुरक्षा कार्यालयको टोलीले मंगलबार बिहान नियन्त्रणमा लिएको हो ।
प्रहरीका अनुसार कुनै आधिकारिक अनुमति वा कागजात बिना रोमनिया भिसा लगाउने भन्दै ३७ राहदानी भारत लैजान खोजिएको पाइएको छ ।
थप अनुसन्धानका लागि उनलाई उपत्यका अपराध अनुसन्धान कार्यालय टेकु पठाइएको प्रहरीले जनाएको छ ।
