काठमाडौं, ५ जेष्ठ । कानून व्यवसायीहरूले सर्वोच्च अदालतमा देखिएको पछिल्लो घटनाक्रमप्रति विरोध जनाउँदै मंगलबार दिउँसै लालटिन बालेर प्रदर्शन गरेका छन् ।
नेपाल बार एसोसिएसन को नेतृत्वमा सर्वोच्च अदालत परिसरमा भएको प्रदर्शनमा अदालतमा रिट दर्तासमेत हुन नसक्ने अवस्था सिर्जना भएको भन्दै असन्तुष्टि व्यक्त गरिएको थियो ।
प्रधानन्यायाधीश सिफारिस प्रक्रियालाई लिएर पनि बारले विरोध जनाएको छ। वरिष्ठतम न्यायाधीशलाई बेवास्ता गर्दै न्यायाधीश मनोज शर्मालाई सिफारिस गरिएको भन्दै बारले आपत्ति जनाएको हो ।
