जनकपुर, २२ वैशाख । धार्मिक, सांस्कृतिक तथा पुरातात्त्विक महत्त्व बोकेको जनकपुरलाई संरक्षण र प्रवद्र्धन गर्ने उद्देश्यले जानकी मन्दिर आसपासको क्षेत्रलाई संरक्षित क्षेत्र घोषणा गर्ने तथा मन्दिरलाई विश्व सम्पदा सूचीमा सूचीकृत गराउने प्रक्रिया अघि बढाइएको छ ।
सांसद मनिष झा र जनकपुर उपमहानगरपालिकाका मेयर मनोज कुमार साहले जनकपुरको ऐतिहासिक पहिचान जोगाउन अब व्यवस्थित संरक्षण आवश्यक भएको बताएका छन् ।
उनीहरूले विगतमा संरक्षणमा केही कमजोरी भएको स्वीकार गर्दै अब दीर्घकालीन योजनासहित अगाडि बढ्ने प्रतिबद्धता व्यक्त गरेका छन् ।
७२ कुण्ड र ५२ कुटीका कारण परिचित जनकपुरलाई धार्मिक पर्यटनको प्रमुख केन्द्रका रूपमा विकास गर्ने लक्ष्य राखिएको छ । यसै सन्दर्भमा जानकी मन्दिर वरपरको क्षेत्रलाई विशेष संरक्षण क्षेत्र घोषणा गरी मन्दिरलाई ग्ल्भ्क्ऋइको विश्व सम्पदा सूचीमा सूचीकृत गराउने पहल सुरु गरिएको हो ।
यस सम्बन्धमा वैशाख २१ गते जनकपुरधाम उपमहानगरपालिकाको सभा हलमा सरोकारवालासहित कार्यशाला बैठक सम्पन्न भएको छ । बैठकमा सरकारी निकाय, स्थानीय तह, सांस्कृतिक विज्ञ तथा अन्य साझेदारहरूबीच समन्वय गरेर प्रक्रिया अगाडि बढाउने सहमति भएको जनाइएको छ ।
स्थानीय तहले यस अभियानलाई जनकपुरको दीर्घकालीन संरक्षण, पर्यटन प्रवद्र्धन र अन्तर्राष्ट्रिय पहिचान स्थापित गर्ने महत्वपूर्ण कदमका रूपमा लिएको छ ।
