काठमाडौं, ३ वैशाख । थाईलाण्डस्थित नेपाली राजदूतावासले ऋबmदयमष्बमा अवैध रूपमा बसिरहेका ४६ जनाको नेपाली नागरिकको उद्धार गरी स्वदेश फर्काएका छन् ।
राजदूतावासका अनुसार, ३० चैत र १ वैशाखमा उद्धार गरिएका ती नागरिकहरूलाई सुरक्षित रूपमा ल्भउब िपठाइएको हो । उनीहरू विभिन्न प्रलोभनमा परी कम्बोडिया पुगेका थिए र त्यहाँ अवैध रूपमा सञ्चालित अनलाइन स्क्यामिङ केन्द्र, क्यासिनोमार्फत हुने ठगी तथा अन्य गैरकानुनी गतिविधिमा संलग्न गराइएको पाइएको छ ।
साथै, धेरैजना भिसा बिना वा भिसाको म्याद नाघेर बसिरहेका थिए । राजदूतावासले कम्बोडियामा समस्यामा परेका अन्य नेपाली नागरिकहरूको उद्धारका लागि पनि पहल भइरहेको जनाए । त्यहाँ नेपालीहरूलाई अनलाइन ठगीजस्ता आपराधिक काममा प्रयोग गरिएको र भिसासम्बन्धी नियम उल्लङ्घन गरिएको सूचना प्राप्त भएको बताइएको छ ।
कम्बोडियाको पर्यटनसम्बन्धी तथ्याङ्कअनुसार, पछिल्ला वर्षहरूमा त्यहाँ जाने नेपालीहरूको संख्या तीव्र रूपमा बढेको देखिन्छ। सन् २०२१ मा १०१ जना नेपाली भ्रमण भिसामा कम्बोडिया पुगेका थिए भने सन् २०२२ मा १,९७७, सन् २०२३ मा २,९४०, सन् २०२४ मा ६,४०४ र सन् २०२५ मा ९,६७६ जना पुगेका छन्।
