काठमाडौं, ३ वैशाख । संसदीय समितिका सभापतिबारे साझा धारणा बनाउन प्रमुख दलहरूको संयुक्त बैठक सुरु गरेका छन् ।
नेपाली कांग्रेस, एमाले र नेकपा उम्मेदवारी रणनीतिबारे छलफल भइरहेको हो । बैठक सिंहदरबारस्थित कांग्रेस संसदीय दलको कार्यालयमा जारी छ । छलफलमा अर्जुननरसिंह केसी, युवराज दुलाल, गुरुप्रसाद बराल र भीष्म आङदम्बेलगायत नेताहरू सहभागी छन् ।
बैठकमा संसदीय समितिको सभापतिमा उम्मेदवारी दिने वा नदिने विषयमा निर्णय गर्नेछ । “उम्मेदवारी दिनुपर्छ, जित–हार स्वाभाविक प्रक्रिया हो,” छलफलमा सहभागी एक नेताले बताए । आजै समितिका सभापतिहरूका लागि मनोनयन दर्ता हुँदैछ ।
संघीय संसद सचिवालय नेपाल अनुसार दिउँसो १ बजेदेखि ४ बजेसम्म दर्ता समय तोकिएको छ । मनोनयन सिंहदरबारस्थित प्रतिनिधिसभा सचिवको कार्यकक्षमा हुनेछ भने साढे ४ बजे उम्मेदवारको अन्तिम सूची सार्वजनिक गरिनेछ ।
संघीय संसदअन्तर्गत कुल १६ वटा संसदीय समिति छ प्रतिनिधिसभामा १०, राष्ट्रिय सभामा ४ र दुई संयुक्त समिति। राष्ट्रिय सभाका समितिका सभापतिहरूको चयन यसअघि नै भइसकेको छ भने प्रतिनिधिसभा र संयुक्त समितिका सभापतिहरूको निर्वाचन हुन बाँकी छ ।
