काठमाडौं, १० चैत । प्रधानमन्त्री सुशीला कार्कीले पदबाट अलग हुने तयारी गर्दै सिंहदरबारस्थित कार्यालयबाट अनौपचारिक रूपमा बिदा लिएकी छन् ।
उनले औपचारिक बिदाइ नगरी नै जिम्मेवारी छाडेकी हुन् । उनका सामानहरू सचिवालयका कर्मचारीले कार्यालयबाट हटाइसकेका छन् भने बालुवाटारस्थित सरकारी निवासबाट परिवारले सामान टोखास्थित निजी घरमा सारिसकेको छ ।
शुक्रबार प्रस्तावित नयाँ प्रधानमन्त्री बालेन शाहले पदभार ग्रहण गर्ने र शपथ लिने तयारी छ । त्यसपछि कार्की सोझै निजी निवास जाने तयारीमा रहेको स्रोतले जनाएको छ ।
