काठमाडौं, २ चैत । पूर्वमन्त्री तथा नवनिर्वाचित स्वतन्त्र सांसद महावीर पुनले प्रधानमन्त्री सुशीला कार्कीले राष्ट्रिय प्रकृति संरक्षण कोषको अध्यक्षमा आफ्नै प्रमुख स्वकीय सचिव आदर्श श्रेष्ठलाई नियुक्त गरेको निर्णय गलत भएको टिप्पणी गरेका छन् ।
प्रधानमन्त्री पदबाट बाहिरिने क्रममा गरिएको उक्त नियुक्तिलाई पुनले “१०० प्रतिशत गलत” भन्दै सच्याउन सुझाव दिएका हुन् । उनले आदर्श श्रेष्ठलाई पनि प्रधानमन्त्रीको प्रतिष्ठा जोगाउन पद नस्वीकार्न आग्रह गरेका छन् ।
पुनले नातावाद र कृपावादकै कारण पुराना दल बदनाम भएको स्मरण गराउँदै यस्तै प्रवृत्ति दोहोरिए नयाँ दलहरू पनि भविष्यमा कमजोर हुने चेतावनी दिएका छन् ।
यसअघि पनि श्रेष्ठ सचिवालयमा आफन्त नियुक्त गरेको विषयमा विवादमा तानिएका थिए ।
