काठमाडौं, १ चैत । जनमत पार्टीले पार्टीको महाधिवेशन आगामी ९ र १० असोजमा गर्ने निर्णय गरेको छ ।
काठमाडौंमा बसेको सचिवालय बैठकले यसअघि तय गरिएको २० र २१ चैतको मिति परिवर्तन गर्दै नयाँ मिति तय गरेको हो ।
हालैको चुनावमा बेहोरेको हारबारे समीक्षा गर्न पार्टीले क्षेत्रीयस्तरमा बैठक गरी प्रतिवेदन आउँदो शनिबारसम्म केन्द्रीय सचिवालयमा पठाउन निर्देशन दिएको महासचिव चन्दन सिंहले बताए ।
यसैबीच सबै जिल्लामा तदर्थ जिल्ला पदाधिकारी १४ चैतभित्र केन्द्रीय प्रतिनिधिको रोहबरमा चयन गर्न पनि निर्देशन दिइएको छ ।
