विराटनगर, २४ फागुन । श्रम संस्कृति पार्टीका अध्यक्ष हर्क साम्पाङ सुनसरी–१ बाट ८ हजार ४९२ मतान्तरले विजयी भएका छन् ।
उनले ३५ हजार ७४१ मत प्राप्त गर्दा निकटतम प्रतिस्पर्धी राष्ट्रिय स्वतन्त्र पार्टी (रास्वपा) की गोमा तामाङले २७ हजार २४९ मत पाइन् ।
धरान उपमहानगरपालिकाको मेयर पदबाट राजीनामा दिएर प्रतिनिधिसभा चुनाव लडेका साम्पाङले एमालेका टिका मांगलेन (६ हजार ३३१) र नेकपाका सूर्य भट्टराई (६ हजार २५८) लाई पनि पछि पारे ।
जेन्जी आन्दोलनपछि उनले श्रम संस्कृति पार्टी स्थापना गरेका थिए । पार्टी दर्ता भएको केही महिनामै प्रत्यक्षतर्फ दुई सिट जित्न सफल भएको छ ।
सो पार्टीका महासचिव आरेन राई खोटाङबाट विजयी भएका छन् भने भोजपुरमा ध्रुव राई अग्रतामा छन् ।
