पर्सा, २० फागुन । पर्सामा ९ वटा सुतली बम र सुँगुरको टाउकोसहित तीन जनालाई प्रहरीले पक्राउ गरेको छ ।
चुनावको समयमा धार्मिक सद्भाव भड्काउने उद्देश्यले उनीहरू सुँगुरको टाउको मस्जिदमा फ्याँक्ने तयारीमा रहेको प्रहरीको दाबी छ ।
प्रहरीका अनुसार उनीहरूले पसलबाट सुँगुरको टाउको किनेर दुई टुक्रा पारेर मस्जिदमा फ्याँक्ने योजना बनाएका थिए । पक्राउ परेकाहरूको साथबाट नौ थान सुतली बम, तारलगायतका सामग्री बरामद गरिएको छ ।
प्रहरीले समयमै नियन्त्रणमा लिएर सम्भावित हिंसात्मक तथा साम्प्रदायिक घटना टारेको जनाएको छ ।
