सिरहा, २० फागुन । सिरहा क्षेत्र नं. ३ का जनता समाजवादी पार्टी (जसपा) नेपालका उम्मेदवार अशेश्वर यादव मौनअवधिका बेला नगदसहित पक्राउ परेका छन् ।
प्रहरीका अनुसार नेपाल–भारत सीमास्थित माडरबाट सिरहा सदरमुकामतर्फ आउँदै गरेको प्र. २–०२–००१ च ०८७ नम्बरको स्कारपियो गाडीलाई राति करिब १२ः३० बजे शिवचोकमा संयुक्त चेकजाँचका क्रममा रोकेर जाँच गर्दा ४ लाख ८७ हजार रुपैयाँ नगद बरामद भएको थियो ।
नगद बरामद भएपछि यादवसहित पाँच जनालाई नियन्त्रणमा लिई जिल्ला प्रहरी कार्यालय सिरहामा राखिएको छ । गाडीबाट मतपत्रसमेत फेला परेको प्रहरीले दाबी गरेको छ।
घटनाबारे थप अनुसन्धान गरी मुख्य निर्वाचन अधिकृतको कार्यालयमा पठाउने तयारी भइरहेको प्रहरी स्रोतले जनाएको छ ।
यसैबीच, नेपाल कम्युनिस्ट पार्टी (नेकपा)का तर्फबाट पर्सा क्षेत्र नं. २ का उम्मेदवार मनोज चौधरी पनि पक्राउ परेका छन् ।
