सर्लाही , १९ फागुन । मलंगवास्थित पर्सा गाउँपालिका–४ जिगडवाको आधारभूत विद्यालय मतदान केन्द्रमा ड्युटीमा खटिएका एक मतदान अधिकृतको मंगलबार अचानक निधन भएको छ ।
जिल्ला प्रहरी कार्यालय सर्लाहीका अनुसार रौतहटको माधव नारायण नगरपालिका–६ निवासी ४२ वर्षीय सिनियर अहेब रघुनाथ महतो मतदान केन्द्रमै बेहोस भएका थिए ।
उनलाई तत्काल प्रादेशिक अस्पताल मलंगवा पु¥याइएकोमा करिब आधा घण्टापछि चिकित्सकले मृत घोषणा गरेका थिए ।
महतो बरहथवा नगरपालिका-५ स्थित आधारभूत स्वास्थ्य केन्द्र बरहथवामा कार्यरत थिए। मृत्युको कारण पोस्टमार्टमपछि मात्र खुल्ने प्रहरीले जनाएको छ । शव हाल प्रादेशिक अस्पताल मलंगवामा राखिएको छ ।
