काठमाडौं, १८ फागुन । अमेरिका, इजरायल र इरानबीचको सैन्य तनावपछि विश्व बजारमा कच्चा तेलको मूल्य तीव्र रूपमा बढेको छ ।
एशियाली बजार खुल्दा ब्रेन्ट क्रुड र नायमेक्स लाइट स्वीट आयल दुवैमा १० प्रतिशतभन्दा बढी वृद्धि देखिए पनि पछि केही घटेको बीबीसी हिन्दीले जनाएको छ ।
बिहान ५ बजेसम्म ब्रेन्ट क्रुड करिब ९ प्रतिशत बढेर प्रति ब्यारेल ७९.३० डलर र नायमेक्स करिब ८.५ प्रतिशत बढेर ७२.७० डलर आसपास पुगेको थियो ।
इरान–इजरायलबीच आक्रमण जारी रहँदा तेल आपूर्तिमा जोखिम बढेकाले मूल्यमा उतार–चढाव आएको हो । अमेरिका र इजरायलको आक्रमणमा इरानका सर्वोच्च नेता आयोतुल्लाह अली खामेनी सेना प्रमुख अब्दुल रहीम मौसवी र रक्षामन्त्री अजीज नासिरजादेहको मृत्यु भएको जनाइएको छ ।
