काठमाडौँ, १६ फागुन । गगनकुमार थापाले शनिबार मधेश प्रदेशका सर्लाही, रौतहट, बारा र पर्सामा हुने चुनावी सभालाई सम्बोधन गर्ने भएका छन् ।
नेपाली कांग्रेसका सभापति थापा सभामा सहभागी हुने क्रममा रोड शोमा पनि सहभागी हुने उनको सचिवालयले जनाएको छ । यसअघि उनले शुक्रबार रुपन्देही, कपिलवस्तु, बाग्लुङ र कास्की तथा बिहीबार सुर्खेत र बाँकेका चुनावी सभामा सम्बोधन गरेका थिए ।
आइतबार उनी काठमाडौंमा हुने कार्यक्रममा सहभागी हुनेछन् । सभापति थापा शनिबार मधेशका सभामा एक्लै सहभागी हुनेछन् भने आइतबारको कार्यक्रममा उपसभापति विश्वप्रकाश शर्मा पनि सहभागी हुने कार्यक्रम छ ।
