जनकपुर, १५ फागुन । धनुषा निर्वाचन क्षेत्र नम्बर ३ बाट नेपाली कांग्रेसका प्रतिनिधिसभा सदस्य उम्मेदवार बिमलेन्द्र निधिले आज पत्रकार भेटघाट कार्यक्रम आयोजना गरेका छन् ।
भेटघाटका क्रममा उनले आफ्नो चुनावी एजेन्डा, प्राथमिकता र भावी योजनाबारे विस्तृत जानकारी गराएका छन् । पत्रकारहरूसँगको अन्तरक्रियामा उम्मेदवार निधिले यसअघि पनि यही क्षेत्रबाट निर्वाचित भइसकेको स्मरण गराउँदै आफूले थालेका र सम्पन्न गरेका विकास निर्माणका कामहरूको चर्चा गरे ।
सडक, शिक्षा, स्वास्थ्य र आधारभूत पूर्वाधारका क्षेत्रमा भएका प्रगतिलाई निरन्तरता दिने प्रतिबद्धता उनले व्यक्त गरे । उनले निर्वाचन क्षेत्रको समग्र विकासका लागि दीर्घकालीन सोचसहित योजना बनाइएको उल्लेख गर्दै स्थानीय जनताको आवश्यकता र अपेक्षालाई केन्द्रमा राखेर काम गर्ने बताए ।
‘मैले विगतमा सुरु गरेका विकासका कामलाई अझ प्रभावकारी रूपमा अघि बढाउनेछु,’ निधिले भने । भेटघाट कार्यक्रममा उनले नेपाली कांग्रेसको नीतिगत दृष्टिकोण र लोकतान्त्रिक मूल्य-मान्यताका आधारमा आफू चुनावी मैदानमा उत्रिएको बताए ।
उनले सञ्चारकर्मीमार्फत मतदातासम्म सही सूचना पु¥याउन सहयोग गर्न आग्रह पनि गरे ।
