जनकपुर, १३ फागुन । जयनगर–कुर्था रेल सञ्चालनमा आएको वर्षौँ बितिसक्दा पनि जनकपुर भित्रका केही स्थानमा रेल्वे लिक पार गर्नु सर्वसाधारणका लागि जोखिमपूर्ण बन्दै गएको छ ।
विशेषगरी थापा चौकदेखि ब्रह्मपुरी जाने बाटो र मिल्स एरियादेखि धनुषाधाम जाने सडक खण्डमा दैनिक रूपमा सवारी साधन फस्ने र दुर्घटनाको जोखिम बढ्दै गएको स्थानीयवासी र चालकहरूको गुनासो गरेका छन ।
चालकहरूको अनुसार रेल्वे लिकमा समुचित क्रसिङ नहुँदा ई–रिक्सा, मोटरसाइकल तथा अन्य सवारी साधन बारम्बार फस्ने गरेका छन् ।
यात्रुहरूलाई सवारीबाट ओरालेर सडक पार गराउनुपर्ने अवस्था देखिएको छ भने कतिपय अवस्थामा पत्रकार स्वयंले ई–रिक्सा धकेलेर बाहिर निकाल्नुपर्ने दृश्यसमेत देखिएका छन् । 
यता रेल्वे कर्मचारीहरूले उक्त स्थानको बाटो चुनावपछि निर्माण गरिने बताउँदै आएका छन् । सम्भावित दुर्घटना र त्यसको जिम्मेवारीबारे प्रश्न गर्दा कर्मचारीहरूले “दुर्घटना हुँदैन” भन्ने जवाफ दोहो¥याए पनि स्थानीय र चालकहरूले भने तत्काल सुरक्षित क्रसिङ निर्माणको माग गरिरहेका छन् ।
Coming Soon Kp Report………
