काठमाडौँ, १३ फागुन । नेपाली कम्युनिस्ट पार्टीका संयोजक पुष्पकमल दाहाल (प्रचण्ड)ले आगामी निर्वाचनमा प्रत्यक्षतर्फ ६० सिट जित्ने दाबी गरेका छन् ।
बुधबार पेरिसडाँडास्थित केन्द्रीय कार्यालयमा आयोजित वाम बुद्धिजीवीहरूसँगको बैठकमा उनले पार्टीको राजनीतिक लाइन स्पष्ट भएकाले राम्रो परिणाम आउने विश्वास व्यक्त गरे ।
उनका अनुसार निष्पक्ष निर्वाचन भएमा नेकपाको नतिजा अघिल्लोपटकभन्दा राम्रो हुनेछ । बैठकमा सहभागी नेता प्रमेश हमालले पनि प्रत्यक्षमा ६० सिट र समानुपातिकतर्फ २०–२५ लाख मत ल्याउने अनुमान प्रस्तुत गरे ।
१२ वर्षपछि एक्लै चुनावमा होमिएको नेकपाले १६४ क्षेत्रमा उम्मेदवारी दिएको छ र बागमती, लुम्बिनी, कर्णाली तथा सुदूरपश्चिममा जितको सम्भावना रहेको जनाएको छ ।
