काठमाडौँ, १३ फागुन । निर्वाचन प्रचारप्रसारमा अवरोध गरे दुई लाख रुपैयाँसम्म जरिवाना हुने भएको छ ।
निर्वाचन आयोगले प्रतिनिधिसभा सदस्य निर्वाचनका क्रममा राजनीतिक दल वा उम्मेदवारको प्रचारप्रसारमा अवरोध सिर्जना गरेको गुनासो प्राप्त भएको भन्दै गम्भीर ध्यानाकर्षण भएको जनाएको छ ।
आयोगका अनुसार निर्वाचनसम्बन्धी प्रचलित कानूनअनुसार कसैलाई उम्मेदवारी, प्रचारप्रसार वा मतदान अधिकार प्रयोग गर्नबाट वञ्चित गर्ने उद्देश्यले अवरोध गर्न पाइँदैन ।
यस्ता गतिविधि निर्वाचन कसुर तथा सजाय ऐनअनुसार दण्डनीय हुने आयोगले स्पष्ट पारेको छ ।
