काठमाडौँ, १ फाल्गुन । आज विश्व रेडियो दिवस विविध कार्यक्रमका साथ विश्वभर मनाइँदै छ ।
रेडियो, सञ्चार विज्ञ र प्रसारकहरूको सहभागितामा मनाइने यो दिवस युनेस्कोको अगुवाइमा सन् २०१२ देखि सुरु भएको हो । सन् १९४६ मा संयुक्त राष्ट्रसङ्घीय रेडियो सेवा स्थापना भएको दिनको सम्झनामा यो दिवस मनाउन थालिएको हो ।
युनेस्कोका अनुसार रेडियो जनचेतना अभिवृद्धि, सूचना पहुँच सुनिश्चित गर्ने, लोकतान्त्रिक संवाद प्रवद्र्धन गर्ने र विश्वभरका प्रसारकबीच सहकार्य सुदृढ गर्ने सशक्त माध्यम हो ।
कम लागतमा सञ्चालन हुनसक्ने भएकाले रेडियो दुर्गम तथा जोखिममा रहेका समुदायसम्म पुग्न प्रभावकारी मानिन्छ ।
आपतकालीन सूचना प्रवाह र विपद् व्यवस्थापनमा समेत रेडियोको भूमिका महत्वपूर्ण रहेको युनेस्कोले उल्लेख गरेको छ ।
