जनकपुरधाम, ३० असोज । नेकपा एमाले मधेश प्रदेश सरकारबाट बाहिरिएको छ।
एमालेका चार मन्त्रीले मुख्यमन्त्री कृष्णप्रसाद यादवसमक्ष राजीनामा बुझाउँदै सरकारलाई दिएको समर्थनसमेत फिर्ता लिएका छन्।
राजीनामा दिनेमा श्रम तथा यातायातमन्त्री शारदादेवी थापा, खेलकुद तथा समाजक ल्याणमन्त्री लखनदास, भौतिक पूर्वाधार विकासमन्त्री मोहम्मद समिर र शिक्षा तथा संस्कृतिमन्त्री मनोजकुमार सिंह छन्।
एमालेका प्रमुख सचेतक हरिनारायण महतोले मन्त्रीहरूले राजीनामा दिएको र सरकारलाई दिएको समर्थन फिर्ता लिएको पुष्टि गरेका छन्।
नेपाली कांग्रेसका कृष्णप्रसाद यादव नेतृत्वको मधेश प्रदेश सरकारबाट एमाले बाहिरिएसँगै प्रदेशको सत्ता समीकरणमा फेरबदल हुने सम्भावना बढेको छ।
