काठमाडौं, २९ माघ । आगामी फागुन २१ गते हुने प्रतिनिधिसभा निर्वाचनका लागि जनक शिक्षा सामग्री केन्द्र लिमिटेड सानोठिमीले मतपत्र छपाइ कार्य तीव्र गतिमा अघि बढाएको छ ।
केन्द्रले हाल दैनिक १५ लाख मतपत्र छापिरहेको छ । केन्द्रका कार्यकारी प्रबन्ध सञ्चालक यदुनाथ पौडेलका अनुसार प्रत्यक्षतर्फ छपाइ गर्नुपर्ने दुई करोड तीन लाख मतपत्रमध्ये बुधबारसम्म एक करोड ५३ लाख छपाइ सम्पन्न भइसकेको छ ।
बाँकी करिब ५० लाख मतपत्र शुक्रबार साँझसम्म छपाइ सक्ने लक्ष्य लिइएको छ । छपाइ सम्पन्न भएका मतपत्र आज बिहीबारदेखि जिल्लामा पठाउन सुरु गरिनेछ ।
दुर्गम जिल्लामा प्राथमिकताका साथ वितरण गरिने मतपत्र फागुन १० देखि १२ गतेभित्र सबै जिल्लामा पु¥याइसक्ने केन्द्रले जनाएको छ ।
