जनकपुर, २७ माघ । नेपाली कांग्रेसले आगामी २०८२ साल फागुन २१ गते हुने प्रतिनिधिसभा सदस्य निर्वाचनलाई लक्षित गर्दै मधेश प्रदेशस्तरीय मिडिया डेक्स तथा चुनाव प्रचार–प्रसार समितिलाई सक्रिय बनाएको छ ।
सोही क्रममा धनुषा क्षेत्र नं. ४ का क्षेत्रीय सभापति कुमार कान्त झालाई प्रदेशस्तरीय मिडिया डेक्स तथा चुनाव प्रचार–प्रसार समितिको सदस्यको जिम्मेवारी दिइएको छ ।
नेपाली कांग्रेसका सभापति कृष्ण प्रसाद यादवद्वारा जारी पत्रअनुसार मिडिया डेक्स तथा प्रचार–प्रसार समितिको संयोजक नितेश कुमार गुप्ताको नेतृत्वमा गठित समितिमा झालाई सदस्यका रूपमा समेटिएको हो ।
मधेश प्रदेश अन्तर्गतका ३२ वटै निर्वाचन क्षेत्रमा कांग्रेसका आधिकारिक उम्मेदवारहरूलाई अत्यधिक मतले विजयी गराउने उद्देश्यसहित यो जिम्मेवारी प्रदान गरिएको जनाइएको छ ।
पार्टीले निर्वाचनमा कांग्रेसको नीति, कार्यक्रम र उम्मेदवारहरूको सन्देश प्रभावकारी रूपमा जनतासमक्ष पु¥याउन मिडिया र प्रचार–प्रसार संयन्त्रलाई मजबुत बनाउने रणनीति लिएको छ ।
सभापति यादवले झालाई प्राप्त जिम्मेवारी सफलतापूर्वक निर्वाह गर्न शुभकामना व्यक्त गरेका छन् ।
