काठमाडौँ, २७ माघ । प्रतिनिधिसभा सदस्य निर्वाचनका लागि ४४ जिल्लाका १०० निर्वाचन क्षेत्रको मतपत्र छपाइ सम्पन्न भएको छ ।
जनक शिक्षा सामग्री केन्द्र, भक्तपुरमा हालसम्म १ करोड २२ लाखभन्दा बढी मतपत्र छापिएको निर्वाचन आयोगले जनाएको छ ।
छपाइ सम्पन्न भएका जिल्लाका मतपत्र प्याकिङ गरी ढुवानीको तयारीमा राखिएको छ ।
प्रत्यक्ष र समानुपातिक दुवै प्रणालीअन्तर्गत मतपत्र छपाइ कार्य जारी रहेको आयोगले जानकारी दिएको छ ।
