सिरहा, २६ माघ । हुलाकी राजमार्ग अन्तर्गत सिरहाको औरही गाउँपालिका–४ स्थित सहजा खोलामा पुल निर्माण अलपत्र परेपछि स्थानीयवासी आन्दोलित भएका छन् ।
पुल नहुँदा बारम्बार दुर्घटना र वर्षायाममा आवतजावत ठप्प हुने गरेको भन्दै सोमबार स्थानीयले प्रदर्शन गर्दै हुलाकी सडक अवरुद्ध गरेका छन ।
२०७९ माघ १५ मा करिब ११ करोड ५४ लाख लागतमा सुगम निर्माण सेवा प्रा.लि.ले ठेक्का पाए पनि चार वर्ष बितिसक्दा काम ३९ प्रतिशत मात्र सम्पन्न भएको छ ।
ठेकेदारले ४ करोड ४८ लाख भुक्तानी लिइसकेको छ भने हाल सम्पर्कविहीन रहेको हुलाकी सडक निर्देशनालयले जनाएको छ । एक साताभित्र काम सुरु नभए ठेक्का तोड्ने तयारी गरिएको छ ।
