काठमाडौं, २४ माघ । गृहमन्त्री ओमप्रकाश अर्यालले आगामी फागुन २१ गते हुने प्रतिनिधि सभा सदस्यको निर्वाचन तोकिएकै मितिमा स्वच्छ, निष्पक्ष र धाँधलीरहित रूपमा सम्पन्न हुने बताएका छन् ।
नुवाकोट र धादिङमा निर्वाचन तयारीको स्थलगत निरीक्षणका क्रममा उनले सबै पक्षलाई मिथ्या तथा भ्रामक सूचनाबाट सचेत रहन आग्रह गरे ।
उनले भरपर्दो सुरक्षा व्यवस्था मिलाएर भयरहित वातावरणमा निर्वाचन सम्पन्न गर्न सम्बन्धित अधिकारीलाई निर्देशन दिएका छन् ।
निरीक्षणका क्रममा मुख्य निर्वाचन अधिकृतहरूले हालसम्मका तयारीबारे जानकारी गराएका थिए ।
