जनकपुर, २४ माघ । नेपाली कांग्रेसले जनकपुरमा आयोजना गर्न लागेको मधेश सभाको मिति एक दिन अघि सारेको छ ।
यसअघि फागुन ७ गते तय गरिएको सभा अब फागुन ६ गते (बुधबार) जनकपुरको तृतीय गाछीमा हुने भएको हो ।
मधेश प्रदेश कार्यसमिति बैठकले सभाको प्रचार–प्रसारको जिम्मेवारी नितेश कुमार गुप्तालाई र मञ्च व्यवस्थापनको जिम्मेवारी योगेन्द्र पञ्जियारलाई दिएको छ ।
सभालाई प्रभावकारी बनाउन मधेश प्रदेशका सबै ३२ निर्वाचन क्षेत्रबाट ठूलो संख्यामा सहभागी बोलाउने निर्णय गरिएको छ । सभामा पार्टी सभापति गगन कुमार थापा प्रमुख अतिथिका रूपमा सहभागी हुनेछन् ।
