जनकपुर, २४ माघ । धनुषा निर्वाचन क्षेत्र नम्बर ४ मा नेपाली कांग्रेसले निर्वाचन लक्षित घरदैलो अभियानलाई तीव्र गतिमा अगाडि बढाएको छ ।
पार्टीले मतदातासँग प्रत्यक्ष संवाद गर्दै आफ्नो नीति, कार्यक्रम र प्रतिबद्धता प्रस्तुत गर्ने उद्देश्यका साथ गाउँ–गाउँमा घरदैलो अभियान सञ्चालन गरिरहेको छ ।
यसैक्रममा प्रतिनिधिसभा उम्मेदवार महेन्द्र यादवले लक्ष्मीनिया गाउँपालिका–७ मा घरदैलो अभियान सञ्चालन गरेका छन् ।
अभियानका क्रममा उनले स्थानीय मतदातासँग भेटघाट गर्दै कांग्रेस नेतृत्वमा विकास, सुशासन र जनमुखी कार्यक्रमलाई अघि बढाइने प्रतिबद्धता व्यक्त गरेका छन् ।
घरदैलो कार्यक्रममा नेपाली कांग्रेसका नेता सन्तोष यादव, कुमारकान्त झा लगायत पार्टीका स्थानीय नेता–कार्यकर्ता सहभागी थिए ।
उनीहरूले कांग्रेसको पक्षमा मतदान गर्न मतदातासँग आग्रह गर्दै जनताको विश्वास जित्न पार्टी प्रतिबद्ध रहेको बताएका छन् ।
