काठमाडौँ, १९ माघ । प्रधानमन्त्री सुशीला कार्कीले प्रहरीले कर्तव्यपालनका क्रममा गरेका व्यवसायिक निर्णय र क्रियाकलापको जिम्मेवारी राज्यले लिने स्पष्ट गरेकी छन्।
नेपाल प्रहरी निरीक्षकहरूको दीक्षान्त समारोहमा बोल्दै उनले सही निर्णय गर्दा हुने आलोचनाबाट नडराउन प्रहरीलाई आग्रह गरिन् ।
उनले निर्वाचन शान्तिपूर्ण होस्, रगत नबगोस् र कोही पनि घाइते नहोस् भन्ने सरकारको चाहना रहेको बताउँदै कर्तव्यपालनका क्रममा हुने घटनाको जिम्मा राज्यले लिनुपर्ने धारणा व्यक्त गरिन् ।
साथै, भदौ २३–२४ पछिको चुनौतीपूर्ण अवस्थापछि पनि प्रहरी संगठन अझ संगठित र विश्वसनीय बन्दै गएको उल्लेख गर्दै आसन्न निर्वाचनलाई लोकतन्त्रको उदाहरणीय मानक बनाउनुपर्ने बताइन् ।
