काठमाडौं, १९ पुष । अखिल नेपाल फुटबल संघ (एन्फा) ले विधानविपरीत अर्ली इलेक्सन गर्ने निर्णय गरेपछि नेपाली फुटबलमा विवाद चर्किएको छ ।
एन्फाको कार्यसमिति बैठकले आगामी माघ २८ गते झापामा केन्द्रीय निर्वाचन गर्ने निर्णय गरेको हो । जिल्ला र प्रदेश तहका निर्वाचन नगरी सिधै केन्द्रको निर्वाचन गर्ने तयारीप्रति उपाध्यक्ष कुमार केसीसहित केही पदाधिकारीहरूले आपत्ति जनाएका छन् ।
राष्ट्रिय लिग र ए डिभिजन लिग जस्ता मुख्य प्रतियोगिताहरू प्रभावित भइरहेका बेला एन्फा निर्वाचनतर्फ केन्द्रित भएको भन्दै आलोचना बढेको छ ।
