एजेन्सी । स्पेनिस ला लिगामा बार्सिलोनाले भिल्लारियललाई २–० ले पराजित गर्दै लिग तालिकामा अग्रता बढाएका छन् ।
यस जितपछि बार्सिलोना शीर्ष स्थानमा चार अंकले अगाडि पुगेको छ । भिल्लारियलको घरेलु मैदानमा भएको खेलमा बार्सिलोनाका राफिन्हा र लामिन यामलले गोल गरेको छ ।
राफिन्हाले सुरुवातमै पेनाल्टीमार्फत अग्रता दिलाए भने दोस्रो हाफमा १८ वर्षीय यामलले गोल गर्दै जित सुनिश्चित गरेको हो । पहिलो हाफमै भिल्लारियलका रेनाटो भेइगाले रातो कार्ड पाएपछि टोली १० खेलाडीमा सीमित बनेको थियो ।
यो जित बार्सिलोनाको लिगमा लगातार आठौँ हो भने पराजित भिल्लारियल चौथो स्थानमा झरेको छ ।
