काठमाडौं, २८ असोज । मधेश प्रदेशमा नयाँ सरकार गठनका लागि प्रक्रिया औपचारिक रूपमा सुरु भएका छन् ।
मुख्यमन्त्री सतिश कुमार सिंहको राजीनामा स्वीकृत गरेपछि प्रदेश प्रमुख सुमित्रा सुवेदीले बहुमतको सरकार गठनका लागि आह्वान गरेकी छन् ।
प्रदेश प्रमुख सुवेदीले दुई वा दुईभन्दा बढी दलको समर्थनमा बहुमत जुटाई सरकार गठनको दाबी गर्न बुधवार (२९ असोज) अपराह्न ४ बजेसम्मको समय तोकेकी छन् ।
मधेश प्रदेश सभामा कुल १०७ जना सदस्य छन्, जसअनुसार सरकार बनाउन कम्तीमा ५४ सदस्यको समर्थन आवश्यक पर्छ ।
