काठमाडौं, २८ असोज । तीनकुने क्षेत्रमा एक दर्दनाक मोटरसाइकल दुर्घटनामा एक युवकले ज्यान गुमाएका छन् ।
शुक्रबार राति काठमाडौं महानगरपालिका–३२ अन्तर्गत तीनकुनेस्थित सडकमा बा ६८ प ४१५३ नम्बरको मोटरसाइकल अचानक अनियन्त्रित भई दुर्घटना भएको हो ।
दुर्घटनामा परेका मोटरसाइकल चालक २१ वर्षीय समिर चौधरी हुन्, जो कैलालीको गोदावरी गाउँपालिका–८ का स्थायी बासिन्दा तथा हाल काठमाडौं बानेश्वरमा बसोबास गर्दै आएका थिए ।
गम्भीर घाइते भएका चौधरीलाई तुरुन्तै उपचारका लागि काठमाडौं मेडिकल कलेज, सिनामङ्गल पु¥याइएको थियो ।
तर, उपचारको क्रममा उनको निधन भएको उपत्यका ट्राफिक प्रहरी कार्यालयका प्रवक्ता प्रहरी उपरीक्षक नरेशराज सुवेदीले जानकारी दिएका छन्।
