जनकपुर, १० असोज । धनुषा जिल्लामा मोटरसाइकल दुर्घटनामा दुई जनाको मृत्यु भएका छन् भने एक जना गम्भीर घाइते भएको छ ।
मृत्यु हुनेमा जनकनन्दिनी गाउँपालिका–५ बनरझुलाका १८ वर्षीय अमित यादव र १७ वर्षीय राहुल महतो १६ वर्षीय रहेका छन् । दुवैको घटनास्थलमै मृत्यु भएको जिल्ला प्रहरी कार्यालय धनुषाले बताएको छ ।
दुर्घटनामा गम्भीर घाइते भएका १६ वर्षीय कुश मिश्रको अस्पतालमा उपचार भइरहेको प्रहरीले जानकारी दिएको छ ।
विहीबार राति साढे १० बजेतिर कमला नगरपालिका–२ माची र लगमाको बीचमा पर्ने खोक्साहा पुल नजिक भारतीय नम्बर प्लेटको हिरो स्प्लेन्डर मोटरसाइकल अनियन्त्रित भई दुर्घटनामा परेको हो ।
उनीहरू झिझिया नाच हेर्न लगमा बजार जाँदै गरेका बेला दुर्घटना भएको प्रहरी अनुसन्धानमा उल्लेख छ ।
