काठमाडौं, ३० भदौ । एसिया कप क्रिकेटमा भारतले पाकिस्तानलाई ७ विकेटले हराउँदै लगातार दोस्रो जित दर्ता गरेका छन् ।
दुबईमा गएराति सम्पन्न खेलमा पाकिस्तानले दिएको १२८ रनको लक्ष्य भारतले १५.५ ओभरमै तीन विकेट गुमाउँदै पूरा ग¥यो । भारतका लागि कप्तान सूर्यकुमार यादवले अविजित ४७ रन जोडे भने तिलक बर्मा र अभिषेक शर्माले समान ३१–३१ रन योगदान गरेको हो । शुभमन गिल र शिभम दुवेले १०–१० रन बनाए । पाकिस्तानका बलर सैयब आयुबले तीन विकेट लिए ।
यसअघि टस जितेर पहिला ब्याटिङ गरेको पाकिस्तानले २० ओभरमा नौ विकेट गुमाउँदै १२७ रन बनाएको थियो । पाकिस्तानतर्फ शाहीबजादा हारिसले सर्वाधिक ४० रन बनाए भने शहिन शाह अफ्रिदी ३३ रनमा अविजित रहे । फकर जमानले १७ र फहीम अशरफले ११ रन जोडे ।
भारतका बलर कुलदीप यादवले तीन विकेट लिँदा जसप्रित बुमराह र अक्षर पटेलले दुई–दुई विकेट लिए । यो जितसँगै भारत प्रतियोगितामा लगातार दोस्रो पटक विजयी भएको छ । पाकिस्तानले भने दुई खेलमा एक जित र एक हार व्यहोरेको छ । प्रतियोगिता अन्तरगत आज युएई र ओमान तथा श्रीलंका र हङकङबीच खेल हुनेछन् ।
