काठमाडौँ, २८ साउन । जनता समाजवादी पार्टी (जसपा) का अशोक राईको नेतृत्वमा र राष्ट्रिय मुक्ति पार्टी नेपालका राजेन्द्र महतोको बिच एकता कार्यगत हुन भएका छन्।
दुई दलबिचको कार्यगत एकताको बिहीबार घोषणा हुने जसपाका एक नेताले बताए् । ती नेता अनुसार कार्यगत एकताको सम्पूर्ण तयारी पूरा भइसकेको हो । भोलि एउटा कार्यक्रम गरेर औपचारिक रूपमा घोषणा गरिने छ । उपेन्द्र यादव नेतृत्वको जसपा नेपालबाट अलग भएर जसपा २०८१ साल वैशाखमा बनेको पार्टी हो ।
जसपा अहिले सरकारमा पनि सहभागी छ । त्यस्तै, लोसपाबाट अलग भएर राजेन्द्र महतोले २०८० फागुनमा राष्ट्रिय मुक्ति क्रान्ति अभियान सञ्चालन गरेका थियो । केही समय अभियान सञ्चालन गरेका महतोले २०८१ असोजमा राष्ट्रिय मुक्ति पार्टी नेपाल गठन गरेका छन् ।
पहिचानको मुद्दामा सङ्घर्ष गर्नका लागि यी दुवै पार्टीको बिचमा कार्यगत एकता हुन लागेको जनाएको छ । उता, राजेन्द्र महतो नेतृत्वको राष्ट्रिय मुक्ति पार्टी सङ्घीय लोकतान्त्रिक मोर्चा पनि आबद्ध छ । तर, जसपा भने सो मोर्चामा सहभागी छैन । सुरुमा मोर्चा बनाउनका लागि जसपा नेपालले पनि गृहकार्य गरे पनि मोर्चा घोषणा हुने बेलामा पार्टी त्यहाँबाट अलग भएको थियो ।
