काठमाडौं, ११ असार । संघीय सरकारमा उद्योग वाणिज्य प्रवर्धन परिषद् आदेश,२०८२ को स्वीकृत गर्ने निर्णय गरेका छन् ।
बुधबार सिंहदरबारमा असार ९ गते बसेको मन्त्रीपरिषद्का निर्णय सार्वजनिक गर्दै सरकारका प्रवक्ता ले प्रधानमन्त्री तथा मन्त्रिपरिषद्को प्रस्तावमा उक्त आदेश स्वीकृत गर्ने निर्णय भएको बताएको हो ।
बैठकले सशस्त्र प्रहरी नायव महानिरीक्षकहरू कालीदास धौवजी र कुमार न्यौपानेको पदावधि थप गर्ने निर्णय गरिएको छ भने नेपाली सेनाका दुईजना महासेनानीहरूको पदावधि थप गर्ने, एकजना सहायक रथीको उपरथीमा बढुवा गर्ने र दुईजना उपरथीहरूको सरुवा गर्ने निर्णय गरेको छ ।
बैठकले अन्तराष्ट्रियस्तरको भलिबल,उसु र कवड्डी प्रतियोगितामा पदक प्राप्त खेलाडी, प्रशिक्षक, सहायक प्रशिक्षक र व्यवस्थापक गरी २७ जनालाई पुरस्कार तथा सम्मान प्रदान गर्नेको लागि स्वीकृति दिएका छन् ।
त्यस्तै राष्ट्रिय खेलकुद नीति २०८२ स्वीकृत गर्ने र तथ्याङ्क प्रणाली बिकासका लागि पञ्चवर्षिय राष्ट्रिय रणनीति स्वीकृत गरिएको प्रवक्ता गुरुङले जनाएको छ । प्रवक्ता गुरुङले भिजिट भिसा प्रकरणको छानविनका लागि सरकारले समिति बनाएको भन्दै समितिलाई विश्वास गर्न प्रतिपक्षी दललाई आग्रह गरिएको छ ।
समितिले निर्वाधरुपमा काम गर्न सक्ने वातावरण बनाउनका लागि सवैले सकारात्मक सुझाव दिनुपर्ने उनले जनाए ।
असार ९ गते बसेको मन्त्रिपरिषद्ले गृह मन्त्रालयको प्रस्तावमा पूर्वमुख्यसचिव शंकरदास बैरागीको अध्यक्षतामा विभिन्न मन्त्रालयका सह–सचिवहरू सदस्य रहेको सात सदस्यीय अध्यागमन र भिजिट भिसाका सम्बन्धमा विगतदेखि देखिएका समस्या समाधान गर्नेसम्बन्धी उच्चस्तरीय अध्ययन एवं छानविन समिति २०८२ गठन गर्ने निर्णय गरेको थियो ।
