काठमाडौं, ८ असार । प्रतिनिधिसभा बैठकमा रास्वपा र राप्रपाले भिजिट भिसा प्रकरणको छानविनको लागि माग गर्दै निरन्तर विरोध गरिहेका छन् ।
आइतबार बसेको प्रतिनिधिसभा बैठक सुरू हुने वित्तिकै रास्वपा र राप्रपाका सांसदहरूले उठेर विरोध थियो । उनीहरूले भिजिट भिसा अनुसन्धानका लागि उच्चस्तरीय छानविन समिति गठन हुनुपर्ने माग गर्दै निरन्तर सदनमा विरोध गरिरहेको छ । रास्वपा र राप्रपाका सांसदहरूले उठेर विरोध बताएपछि सभामुख देवराज घिमिरेले रास्वपाका सांसद अशिम शाहलाई बोल्न समय दिएका थिए ।
सांसद शाहले एक महिनादेखि सदनमा राजनीतिक नाटक मञ्चन भइरहेको छ । भिजिट भिसा काण्ड मानव तस्करी भएकाले यसको निष्पक्ष छानविन गर्नुपर्ने उनले धारणा राखेको छ । शाहले सदन बहुमतको अंकगणितले मात्रै नभइ विवेक र नैतिकताले चल्नुपर्ने उल्लेख गरेको छ ।
त्यस्तै राष्ट्रिय प्रजातन्त्र पार्टीका सांसद धवल शम्शेर राणाले प्रतिपक्षीले निरन्तर उठाएका आवाजलाई सरकारले समाधान गर्न प्रयास गर्नुपर्ने उल्लेख गरे । उनले चैत्र १५ गते भएको घटनामा राज्यले नै दमन गरेको दोहराउँदै उक्त घटनाको समेत छानविन हुनुपर्ने माग राखेको छ ।
रास्वपा र राप्रपाको विरोधकाबीच सभामुख घिमिरेले सदनको कार्यसूची अघि बढाएपछि रास्वपाका सांसदहरुले वेल घेराउ गर्दै विरोध जनाएको छ भने राप्रपाका सांसदहरूले बैठक बहिष्कार गरेको छ ।
यसैबीच संसदमा बिनियोजन विधेयक अन्तर्गत युवा तथा खेलकुद मन्त्रालय, महिला, बालबालिका तथा ज्येष्ठ नागरिक मन्त्रालय, अर्थ मन्त्रालय, सहरी विकास मन्त्रालय, प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको सचिवालय, राष्ट्रपतिको कार्यालय र उपराष्ट्रपतिको कार्यालयका विभिन्न शीर्षकमा छलफल भएको छ ।
